馬太福音9:14-17中，對於禁食問題，耶穌既回答尚算易明。就算唔係好明，再睇埋之後既新約經文，我地都會知道唔係叫我地以後都唔洗再禁食禱告。咁樣睇，即係禁食禱告係會o係我地信徒生活入面。Oops... 講多兩講😅醒起自己都好耐無禁食禱告添😝

馬太福音6:22寫到「眼睛是身體的燈」，唔通我地對眼識發光？？？🙈😅😂 緊係唔係啦。。。至少我對眼唔識發死光，你以為我地真係超級英雄咩😆 按新漢語譯本既註釋，眼睛作為燈，唔係指對眼發光，而係指能夠讓光進入，照亮我地內在既生命。 弟兄姊妹，您有唔阻光入既眼睛嗎？唔驗唔知身體好，記住要定期驗眼呀🤣

睇完鹽既比喻(太5:13)後，見到注釋話「失了味」原文意思係「變成傻瓜」。。。 Nooooo😆我唔要變成傻瓜呀！

有時睇睇下都唔知D角色行左去邊度，例如拿撒勒、耶路撒冷、加利利、撒馬利亞、猶太、埃及依D地方係邊既呢？所以一路讀一路睇下D位置，我覺得都唔錯架！ 第一週睇《馬太福音》1-4章時，我見到依個地圖，想o係度分享一下： （地圖出自漢語聖經公會出版《聖經‧新約全書—新漢語譯本(註釋版)》)